Rahbar va pedagog kadrlarni qayta tayyorlash va ularning malakasini oshirish tizimini takomillashtirish bo‘yicha vazifalar belgilandi

Vazirlar Mahkamasining “Oliy ta’lim tashkilotlari rahbar va pedagog kadrlarini qayta tayyorlash va malakasini oshirish tizimini samarali tashkil qilish chora-tadbirlari to‘g‘risida”gi 415-son (11.07.2024-y.) qarori (https://api-portal.gov.uz/uploads/2222e1f8-8acd-0304-f0fb-6be840e85eb5_media_.pdf) tasdiqlandi.

Qaror bilan Oliy ta’lim tizimi pedagog va rahbar kadrlarini qayta tayyorlash va ularning malakasini oshirishni tashkil etish Bosh ilmiy-metodik markazi Oliy ta’lim, fan va innovatsiyalar vazirligi huzuridagi Oliy ta’lim tizimi kadrlarini qayta tayyorlash va malakasini oshirish instituti etib qayta nomlandi.

Quyidagilar:
-oliy ta’lim tashkilotlari rahbar hamda pedagog kadrlarini qayta tayyorlash va malaka oshirish ta’lim tashkilotlarining tashkiliy hamda o‘quv-metodik faoliyatini muvofiqlashtirish;
-oliy ta’lim tashkilotlarining rahbar kadrlari zaxirasiga nomzodlarni maqsadli o‘qitishni tashkil etish;

-bundan tashqari, oliy ta’lim tashkilotlari hamda akademik litseylar rahbar va pedagog kadrlarini:
-qayta tayyorlash va ularning malakasini oshirish kurslarini tashkil etish;
-kasbiy bilim, ko‘nikma va mahoratini uzluksiz oshirib borish mexanizmlari hamda kasbiy rivojlantirish ta’lim dasturlarini joriy etish kabilar Institutning asosiy vazifalari etib belgilandi.

Shuningdek, O‘zbekiston davlat jahon tillari universiteti huzurida Pedagog kadrlarni qayta tayyorlash va ularning malakasini oshirish tarmoq markazi tashkil etildi.

Markazda 2024/2025-o‘quv yilidan boshlab oliy ta’lim tashkilotlarining pedagog kadrlari uchun “Filologiya va tillarni o‘qitish”, “Xorijiy til va adabiyot (tillar bo‘yicha)”, “Tarjima nazariyasi va amaliyoti” yo‘nalishlari bo‘yicha qayta tayyorlash hamda malaka oshirish kurslari tashkil etilishi belgilandi.

Manba: t.me/eduuz;

✅Ijtimoiy tarmoqlardagi sahifalarimiz:
http://ashpk.uz
https://t.me/Andpedkoll
https://www.facebook.com/groups/211715867145976/permalink/884862053164684/

Test sinovi o‘tkaziladigan binolar

Bilimni baholash agentligining rasmiy saytiga 2024-2025-o‘quv yilida oliy va professional ta’lim muassasalariga o‘qishga kirish test sinovi o‘tkaziladigan binolar bo‘yicha ma’lumotlar joylashtirildi (https://uzbmb.uz/page/test_2024).

✅ Unda quyidagi ma’lumotlar aks etgan:

✅ Test sinovi o‘tkaziladigan hududning rasmi;
✅ Hududga kirish joylari;
✅ Test sinovi o‘tkaziladigan joy nomi;
✅ Test sinovi o‘tkaziladigan joy manzili;
✅ Bino raqami;
✅ Test sinovi o‘tkaziladigan guruhlar;
✅ Joylarning google xaritadagi joylashuvi (geolokatsiyasi).

Test sinovlarini o‘tkaziladigan binolar:
https://uzbmb.uz/page/test_2024

Mazkur sahifadan tegishli hududni tanlab, ushbu hududdagi test sinovi o‘tkaziladigan binolar bo‘yicha ma’lumotlar bilan tanishishingiz mumkin. Shuningdek, "Abituriyent ruxsatnomasi"da berilgan QR-kod orqali bino joylashgan manzilni aniqlash imkoni mavjud.

Hurmatli abituriyentlar! Test sinovlariga kech qolmang! O‘zingiz bilan pasport (ID-karta) va abituriyent ruxsatnomasini olishni unutmang (aks holda test sinoviga kira olmaysiz).

Manba: Bilim va malakalarni baholash agentligi (t.me/BaholashUz)


✅Ijtimoiy tarmoqlardagi sahifalarimiz:
http://ashpk.uz
https://t.me/Andpedkoll
https://www.facebook.com/groups/211715867145976/permalink/884862053164684/

❗️Test sinovlari 14-25-iyul kunlari bo’lib o’tadi.

Avvalroq, test sinovlari 28-iyulga qadar (15 kun) o’tkazilishi aytilgan edi. Ammo kutilganidan kamroq abituriyentlar hujjat topshirgani uchun test sinovlari 12 kunda tugaydigan bo’ldi. Oxirgi test sinovi 25-iyulda o’tkaziladi.

Joriy yilda ham test sinovlari 2 smenada o’tkaziladi.

1-smena: soat 08:00 da;
2-smena: soat 15:00 da boshlanadi.

Abituriyentlardan test sinovlari boshlanishidan kamida 1 yarim soat oldin belgilangan hududga yetib kelishlari talab etiladi.

Demak, 1-smena soat 06:30 da, 2-smena soat 13:30 da test o’tadigan joyga kelishi kerak.

Abituriyentlar test sinoviga 2 ta hujjat olib borishlari lozim:

✅ pasport yoki ID-karta;
✅ abituriyent ruxsatnomasi.

Boshqa hech qanaqa hujjat shart emas. Shuningdek, ruchka va suvni ichkarida o’zlari berishadi. Hisob-kitob talab qilinadigan fanlarda esa qoralama uchun savollar kitobining o’zida ochiq hududlar tashlab ketilgan bo’ladi (alohida bo’sh qog’oz berishmas ekan).

❗️Pasport nusxasi yoki boshqa hujjatlar bilan kelgan, shuningdek, kechikib kelgan abituriyentlar test sinovlariga kiritilmaydi!

Manba: t.me/t.me/xushnudbek;

✅ Ijtimoiy tarmoqlardagi sahifalarimiz:
http://ashpk.uz
https://t.me/Andpedkoll
https://www.facebook.com/groups/211715867145976/permalink/884862053164684/